తల్లి భారతి వందనం బంగారు మట్టి చందనం
మా తల్లి భారతి వందనం బంగారు మట్టి చందనం
ఈ మట్టికి మన అర్చనం ఈ మట్టికే అభివందనం || తల్లి భారతి ||
ఈ గడ్డ పైన పుట్టినట్టి మనుష్యులెంతో ధన్యులు
సజ్జనులు సద్గుణులు సకల లోక మాన్యులు
చిన్నారి రామశ్యాములే దోగాడినట్టి నందనం || తల్లి భారతి ||
అవధపురిలో సరయు రామన్ననే జపించే
మధుర నగరి యమునా కన్నయనే స్మరించే
శివాభిషేకమునకై కాశిలో గంగమ్మ స్పందనం || తల్లి భారతి ||
కష్టాలలోని బాధ గోరూపమే ధరించే
గోపాలుని పదాలే కన్నీటితో స్పృశించే
గోవంశ రక్షకొత్తమం గో భక్తుల నిజ జీవనం || తల్లి భారతి ||
0 comments:
Post a Comment