నవయువకా లేలేరా శత్రుసేన మాతృభూమి నుండి పారద్రోలరా
విజయ ధ్వజము గగన సీమ నేగురవేయరమ్మురా ||నవ||
శత్రుమూక దండయాత్ర చేయదోయి ప్రతి దినం
కారుమబ్బులాకసాన క్రమ్మవోయి ప్రతి క్షణం
హిమధరాధరమ్ము పిలుపునీయదోయి నిత్యము
సమయమొచ్చే సమరమొచ్చే సాహసంబు చూపరా ||నవ||
సాహసాన సంగరాన శత్రుమూక దునుమగా
కృతఘ్నులన్ శతఘ్నితోడ ప్రేల్చి కాల్చి వేయరా
పరుల పాలబడిన భూమి మరల ముక్తినొందగా
రాష్ట్ర దేహమందు నూత్న రక్తదీప్తి నింపరా ||నవ||
తరుణమందు సర్వశక్తి ధారవోయి వలెనురా
తల్లి ఋణము దీర్చువాడే తనయులందు ఘనుడురా
శీర్షమైన కోసియిచ్చు శక్తి పౌరుషంబులన్
కదనభేరి ధ్వనులతోడ ప్రళయ నృత్య మాడరా ||నవ||
0 comments:
Post a Comment